FOTO| Përfshihen nga flakët tre banesa, dëme të shumta materiale

Tre banesa në fshatin Pendavinj të Maliqit janë përfshirë nga flakët mëngjesin e kësaj të mërkure.

Banesat janë në pronësi të tre personave të ndryshëm dhe ndodhen ngjitur me njëra-tjetrën. Fatmirësisht nga zjarri nuk pati persona të lënduar, por siç shihet dhe nga fotot e siguruara nga Euroneës Albania dëmet materiale janë të shumta.

Shërbimet e zjarrfikëses kanë bërë të mundur neutralizimin e flakëve, ndërkohë që vijon puna e grupit hetimor për të zbardhur rrethanat e rënies së zjarrit.

Maliq/Informacion paraprak

Mëngjesin e sotëm, në fshatin Pendavinj, Maliq, ka rënë zjarr në banesat e shtetasve I. Q., Dh. Q., dhe P. V., të cilat janë ngjitur me njëra-tjetrën. Si pasojë e zjarrit ka vetëm dëme materiale.

Shërbimet e zjarrfikëses ndodhen në vendngjarje, për të bërë të mundur fikjen e zjarrit.

Grupi hetimor po punon për sqarimin e rrethanave të ngjarjes dhe përcaktimin e shkakut të rënies së zjarrit.

LEXONI GJITHASHTU:

• Zjarr në një banesë në Tiranë, humb jetën 57-vjeçari
• Shkaqet e zjarreve në banesa, apeli i zjarrfikësve: Kujdes me pajisjet e ngrohjes