Foto tronditëse të fëmijëve mes luftës në Izrael

Fotot tronditëse të fëmijëve të gjakosur që ikin nga “ferri” në Gaza dhe Izrael tregojnë qartë ndikimin shkatërrues të konfliktit që ka vrarë mbi 1500 njerëz në vetëm tre ditë.

Udhëheqësit e Hamasit mbrëmë kërcënuan se do të ekzekutonin pengjet civile nëse Izraeli vazhdon sulmet ajrore kundër Gazës.

Krahu ushtarak i grupit islamik tha se do të vriste një person sa herë që goditeshin shtëpitë ‘pa paralajmërim paraprak’.

Izraeli ka goditur Gazën nga ajri pasi Hamasi filloi një sulm të befasishëm terrorist të shtunën. Autoritetet në Gaza thanë se sulmet ajrore të Izraelit kishin goditur një kamp refugjatësh, një spital dhe një xhami.

Ndërsa konflikti i përgjakshëm hyn në ditën e tij të katërt, fotot tronditëse nga toka ofrojnë një pasqyrë të tmerrshme të mizorive që po ndodhin ndërsa të dyja palët vazhdojnë të shkëmbejnë goditje.