Policia ka arritur të gjejë në rrugën “Riza Çuka” Laprakë armën tip stilolaps me të cilën 21-vjeçari Aldi Neziri plagosi kolegun e tij 15-vjeçar dy ditë më parë (01.06.2025).
Ngjarja ka ndodhur në një piceri në zonën e Ali Demit në Tiranë ku Neziri punonte si motorist, ndërsa 15-vjeçari punonte i pasiguruar si kamarier.
Uniformat blu kanë arrestuar Aldi Nezirin i cili akuzohet për “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe i municionit”
Ndërsa vijon të jetë në kërkim administratori i picerisë, Leonardo Mejdani.
Për këtë konflikt policia arrestoi 3 punonjësit e picerisë, Ferit Basha, Andi Hyka dhe Keivin Bala pasi në bashkëpunim me njëri-tjetrin dyshohet se kanë pastruar vendin e ngjarjes dhe kanë hequr DVR-në e kamerës së sigurisë në piceri.
LEXONI GJITHASHTU:
- Plagosi kolegun 15-vjeçar në Ali Dem, arrestohet autori
- “100 grupe kriminale me 1 mijë anëtarë”, eksperti: Ja roli i shqiptarëve në Finlandë