Fotografuan fletët e votimit, arrestohet 37-vjeçari, procedohet bashkëshortja

Një 37-vjeçar është arrestuar nga policia e Sarandës ndërsa bashkëshortja e tij është proceduar në gjendje të lirë pasi kanë fotografuar fletët e votimit.

Në pranga u vu shtetasi L. T., 37 vjeç, banues në Xarrë, Konispol dhe nisi procedimi në gjendje të lirë për bashkëshorten e tij, shtetasen E. T (C)., për veprën penale “Shkelja e fshehtësisë së votës”.

Në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Sarandë, po vijojnë veprimet hetimore për zbardhjen e plotë të rrethanave të këtij rasti.

LEXONI GJITHASHTU:

• Pjesëmarrja në votime deri në orën 16:00
• Grisi fletët e votimit dhe i hodhi në kosh, arrestohet 44-vjeçari në Krujë