Grisi fletët e votimit dhe i hodhi në kosh, arrestohet 44-vjeçari në Krujë

Një 44-vjeçar është arrestuar nga policia e Krujës për “dëmtim me dashje të materialit zgjedhor”.

Policia tha se shtetasi B. T. kishte marrë 2 fletë votimi nga Qendra e Votimit dhe ishte larguar.

Shërbimet e Policisë kanë organizuar menjëherë punën dhe si rezultat kanë kapur dhe shoqëruar në Komisariat, shtetasin B. T., i cili pasi ka marrë me vete 2 fletët e votimit (të veten dhe të nënës), ka dalë nga Qendra e Votimit, i ka dëmtuar fletët e votimit dhe i ka hedhur ato në koshin e mbeturinave.

Shtetasi B. T., 44 vjeç, banues në Tapizë, është arrestuar në flagrancë, për veprën penale “Dëmtimi me dashje i materialit zgjedhor”.

Policia ka sekuestruar 2 fletët e votimit që ky shtetas mori nga Qendra e Votimit. Vijojnë hetimet për zbardhjen e plotë të rrethanave të këtij rasti.

LEXONI GJITHASHTU:

• Pjesëmarrja në votime deri në orën 15:00
• Cila është bashkia me pjesëmarrje më të lartë të votuesve në rang vendi