Franca dënon sulmin e Izraelit ndaj burgut iranian ku mbahen shtetas francezë

Ministri i Jashtëm i Francës dënoi sulmin e Izraelit ndaj burgut famëkeq Evin të Iranit, i njohur për strehimin e të burgosurve politikë, përfshirë dy shtetas francezë.

“Sulmi që synonte burgun Evin në Teheran vuri në rrezik dy nga shtetasit tanë, Cecile Kohler dhe Jacques Paris, të cilët ishin pengje prej tre vitesh. Është e papranueshme”, tha Jean-Noël Barrot në një postim në X.

Kohler, një mësuese 40-vjeçare, ishte me pushime në Iran me partnerin e saj, Jacques Paris, në maj 2022 kur u ndaluan nga autoritetet dhe u arrestuan nën dyshimin për spiunazh. Në tetor 2022, televizioni shtetëror iranian transmetoi një rrëfim të detyruar nga dyshja, ku Kohler u zbulua si një agjente që punonte për shërbimet e inteligjencës franceze, DGES.

Autoritetet franceze dhe organizatat joqeveritare, përfshirë Amnesty International, kanë thënë vazhdimisht se dyshja u detyrua të bënte rrëfime të rreme dhe kanë bërë thirrje për lirimin e tyre të menjëhershëm.

Barrot tha në postimin e tij në rrjetet sociale të hënën se kishte kërkuar një përditësim mbi sigurinë e tyre dhe bëri thirrje për “qasje konsullore sa më shpejt të jetë e mundur”.

LEXONI GJITHASHTU:

• Pamje/ Irani sulmon me raketa bazën amerikane në Katar, shpërthime mbi Doha
• Izraeli sulmon burgun famëkeq në Teheran