Franca dhe Gjermania përgatiten për reduktimin e gazit rus

Franca dhe Gjermania po përgatiten për një reduktim të furnizimit me gaz nga Rusia, tha ministri francez i Ekonomisë.

Deklarata vjen menjëherë pas paralajmërimit të presidentit rus, Vladimir Putin se Moska do të mbyllë rubinetet për ata që refuzojnë të paguajnë në rubla, raporton BBC.

“Nesër mund të ketë një situatë në të cilën nuk ka më gaz rus. Na takon ne të përgatitemi për këta skenarë dhe ne po përgatitemi”, tha Bruno Le Maire pas bisedimeve në Berlin me homologun e tij gjerman, Robert Habeck.

Presidenti Vladimir Putin paralajmëroi se kontratat e shitjes së gazit rus do të ndërpriten nëse pagesat nuk bëhen në rubla.

LEXONI GJITHASHTU:

• Të shtohen panelet diellore për të reduktuar varësinë nga gazi rus, thotë BE-ja
• Putin i kërkon Gazpromit që gazi rus të shitet në rubla