Franca humb një tjetër paqeruajtës në Liban, Macron: U vra nga luftëtarët e Hezbollahut

Presidenti i Francës, Emmanuel Macron, tha se një paqeruajtës i dytë francez i cili u plagos rëndë nga luftëtarët e Hezbollahut në Liban ka vdekur nga plagët e marra.

Anicet Girardin u plagos në sulmin e së shtunës, i cili vrau një tjetër paqeruajtës francez, të identifikuar si Florian Montorio.

“Kaporali Anicet Girardin i Regjimentit të 132-të Këmbësoror Kinoteknik të Suippes, i riatdhesuar dje nga Libani ku ishte plagosur rëndë nga luftëtarët e Hezbollahut, vdiq këtë mëngjes nga plagët e marra .Ai vdiq për Francën”, ka shkruar Macron në X.

Ushtarët francezë u vranë kur një patrullë u sulmua nga “aktorë jo-shtetërorë”, tha Forca e Përkohshme e OKB-së në Liban (Unifil).