Franca kërkon vendosjen e çmimit minimal për fluturimet në Evropë

Ministri francez i Transportit ka bërë thirrje për vendosjen e një çmimi minimal për fluturimet në Evropë, me synim që të luftohen ndryshimet klimatike.

Ministri i Transportit, Clement Beaune, tha në një intervistë për revistën javore L’Obs se ai do të dorëzojë këtë propozim te homologët e tij të Bashkimit Evropian në ditët në vijim.

“Biletat e avionit prej 10 eurosh nuk mund të ketë kur ne jemi në mes të trazicionit ekologjik. Kjo nuk është e mundur”, tha Beaune.

“Këto çmime nuk reflektojnë çmimin për planetin tonë”, shtoi ai.

Linjat ajrore që operojnë me kosto të ulët kanë vërshuar industrinë e fluturimeve në Evropë, pasi ato ofrojnë tarifa të lira për disa destinaicone, me Ryanair që është bërë kompania më e madhe e transportit ajror në rajon.

Por, tarifat e ulëta ndonjëherë nuk mbulojnë as kostot dhe emetimet e gazrave serrë nga avionët e pasagjerëve janë më të mëdha sesa gjatë udhëtimeve me tren.

“Unë hapur bëjë thirrje për vendosjen e taksave për aktivitetet që shkaktojnë ndotje, në mënyrë që të mund të investojmë në tranzicionin ekologjik”, tha Beaune, duke shtuar se Qeveria franceze planifikon të rrisë taksat për fluturimet që nisen nga Franca. Po ashtu, sipas tij, ekzekutivi francez do të financojë investimet në transportin hekurudhor.

LEXONI GJITHASHTU:

• Franca nismë të re për t’i bërë presion Azerbajxhanit për Karabakun
• Franca ndalon veshjet e vajzave myslimane në shkolla, e quan “sulm politik”