Franca këshillon qytetarët të mos udhëtojnë drejt Lindjes së Mesme për asnjë shkak

Franca ka paralajmëruar qytetarët e saj kundër udhëtimit në Liban, Izrael dhe territoret e pushtuara palestineze mes rreziqeve të përshkallëzimit ushtarak.

“Për shkak të rreziqeve të përshkallëzimit ushtarak në Lindjen e Mesme, qytetarët këshillohen në mënyrë të rreptë kundër udhëtimit në Izrael dhe territoret palestineze.” -tha Ministria e Punëve të Jashtme.

Franca gjithashtu paralajmëroi shtetasit e saj kundër udhëtimit në Liban si për qëllime turistike, ashtu edhe familjare.

Të martën, ushtria izraelite goditi jugun e Bejrutit, duke vrarë komandantin e lartë të Hezbollahut, Fuad Shukr.

Disa orë më vonë, një sulm ajror në Teheran vrau liderin e Hamasit, Ismail Haniyeh, sulm të cilin Izraeli as nuk e ka konfirmuar dhe as nuk e ka mohuar. Në këtë sulm u vra edhe truproja e shefit të Hamasit.

Që nga sulmi ndaj Hamasit më 7 tetor, Izraeli ka vrarë të paktën 39 mijë palestinezë në Rripin e Gazës.

Këto sulme të Izraelit kanë lënë pjesën më të madhe të 2.3 milionë njerëzve të enklavës palestineze të uritur dhe të pastrehë.

LEXONI GJITHASHTU:

• Izraeli njofton vrasjen e shefit më të lartë ushtarak të Hamasit
• Funerali i liderit të Hamasit, Khamenei kërcënon Izraelin: Ditë sfiduese ju presin