Franca në gatishmëri, 5 dronë fluturuan mbi bazën ushtarake Ile Longue

Pesë dronë fluturuan mbi bazën ushtarake Ile Longue në Brest, Francën perëndimore ku ndodhen nëndetëset me raketa balistike me energji bërthamore të forcës franceze të parandalimit bërthamor. Burime lokale të xhandarmërisë njoftuan lidhur me rastin.

Baza mbrohet nga një forcë prej 120 xhandarmërie dhe marinash franceze. Ajo strehon katër nëndetëse bërthamore të forcës franceze të parandalimit, njëra prej të cilave është gjithmonë në detyrë në det.

Sistemet e sigurisë së bazës zbuluan pesë dronë që fluturonin mbi Ile Longue mbrëmë. Një sistem anti-dronë u aktivizua, ndërsa batalioni i Marinës i ngarkuar me mbrojtjen e bazës iu kundërpërgjigj atyre.

Fluturimet e dronëve në këtë zonë të kufizuar nuk janë të rralla. Natën e 17-18 nëntorit, një fluturim droni u zbulua mbi Gadishullin Crozon, por jo mbi një instalim ushtarak. Fluturimet e dronëve janë shumëfishuar mbi aeroporte, baza ushtarake dhe infrastrukturë tjetër kritike në Evropën Veriore në muajt e fundit.

LEXONI GJITHASHTU:

• Rama: Zjarret verore sfidë e madhe, rrisim financimet dhe kapacitetet për pyllëzim
• Shtyhet seanca për Veliajn, kryebashkiaku dhe bashkëshortja do të bëjnë mbrojtjen