Francë/ Mulhaus, qyteti ku banorët prej vitesh kanë mbetur pa doktorë

Në Mulhaus, dalja në pension e 3 mjekëve të përgjithshëm ka lënë pa kujdes shëndetësor rreth 5 mijë pacientë. Prej disa vitesh autoritetet kanë nisur kërkimet për të gjetur pasardhësit, por më kot.

“Po përpiqemi të ngremë një qendër të re, me shpresë brenda nëntorit; ndryshe do të presim deri në fillim të majit. Me ndihmën e mjekëve në pension dhe të studentëve të Mjekësisë do të mund të kujdesemi të paktën për pacientët me sëmundje kronike-tha Frederic Tryniszewski, president i ‘SOS Medicine’.

Ka shumë arsye për këtë mungesë mjekësh. Një prej tyre është fakti se Mulhaus nuk është qytet universitar, ndërsa një tjetër është mungesa e atraksionit për ndonjë prej zonave të varfra të tij.

Aktualisht, shumë pacientë i kanë kthyer sytë tek shoqata “SOS Medecins”.

“Është e frikshme kur mendon: ç’do të ndodhë me ne kur nuk ka doktorë?”-tha Jacqueline Schreiber, pensioniste.

LEXONI GJITHASHTU: 

• Kurti reagon pas arrestimeve në Ministrinë e Tregtisë: S’ka kurrupsion te “rezervat”
• Samiti kundër Kinës/ Biden mbledh liderët e Japonisë dhe Koresë së Jugut