Fredi Beleri u la në burg, Dule: Pengmarrja vazhdon, do ta lirojë vota

Kreu i PBDNJ Vangjel Dule reagoi për mediat pas vendimit të marrë nga Gjykata e Rrethit të Vlorës për Fredi Belerin. Ndaj kandidatit të koalicionit  “Bashkë fitojmë”, u vendos masa e sigurisë “arrest me burg”.

Dule tha se i gjithë ky proces ishte një parodi dhe i gjithë procesi ishte projektuar, i motivuar dhe i ekzekutuar drejtpërsëdrejti nën urdhrat dhe porositë e Edi Ramës.

“Jeni dëshmitarë të një procesi parodi, në të gjitha fazat dhe etapat e tij. Është një proces i projektuar, i motivuar dhe i ekzekutuar drejtpërsëdrejti nën urdhrat dhe porositë e Edi Ramës.

Rezultati tashmë dihet, pengmarrja e zotit Beleri vazhdon, por askush nuk duhet të ketë as më të voglin iluzion. Nëse Edi Rama vazhdon ta mbajë atë peng do ta lirojë në mënyrë triumfale vota e nesërme e himarjotëve”,-tha Vangjel Dule.

LEXONI GJITHASHTU:

• “Heshtje dhe mërzi në shtabin e Belerit”, Gazetari: Ja situata pas masës së sigurisë
• Votohet edhe në burgje, 2096 të dënuar ndalohen nga dekriminalizimi