Frontex: BE-ja mund të përballet me një rekord njerëzish që duan të vijnë në Evropë 

Këtë vit, Bashkimi Evropian mund të përballet me një numër rekord njerëzish që duan të arrijnë kufijtë e tij përmes kalimeve të parregullta, të nxitur kryesisht nga varfëria dhe ndryshimet klimatike, në vend që të ikin nga konflikti, njoftoi sot Agjencia e Rojës Kufitare dhe Bregdetare të BE-së Frontex.

Agjencia raportoi rreth 330 mijë ardhje të paautorizuara nëpër të gjitha rrugët vitin e kaluar, më së shumti që nga viti 2016, dhe shifrat në rritje po nxisin retorikë më të ashpra kundër emigracionit në shtetet e BE-së si Danimarka, Holanda dhe Austria, raportoi Reuters.

Më shumë se një milion njerëz, kryesisht të arratisur nga lufta në Siri, arritën në brigjet evropiane në vitin 2015, duke nxitur Bashkimin Evropian të forcojë kufijtë e jashtëm dhe ligjet e azilit.

Numri i njerëzve që përpiqen të arrijnë në brigjet evropiane nga Afrika e Veriut nëpërmjet rrugëve që të çojnë në Itali u rrit me 292 për qind midis janarit dhe prillit të këtij viti krahasuar me të njëjtën periudhë të vitit 2022, në më shumë se 42,000.

Kalimet e paautorizuara u reduktuan në të gjithë Mesdheun më pak të njohur perëndimor dhe lindor, si dhe në Ballkan dhe Poloni, ku u zbuluan rreth 80,700 njerëz.

LEXONI GJITHASHTU:

• FRONTEX do të sigurojë tërë kufirin e Malit të Zi me vendet fqinje
• Frontex në kufirin e RMV, 100 policë nga 13 vende të ndryshme nisin patrullimin