“Frymëzim për brezat”, ambasadori britanik në Tiranë pas vdekjes së Elizabeth II

Ambasadori britanik në Tiranë, Alastair King-Smith, ka reaguar pas vdekjes së Mbretëreshës Elizabeth II në moshën 96-vjeçare.

Në një deklaratë për mediat, ai thotë se mbretëresha ishte shëmbëlltyra e shërbimit publik, tërësisht e përkushtuar ndaj vendit dhe popullit të saj.

“Edhe këtë javë, në ditët e fundit të jetës, ajo qëndroi e përkushtuar në kryerjen e detyrës, duke pritur kryeministrin e saj të pesëmbëdhjetë.”- shkruan ai.

Më tej thekson se Elizabeth II do të vazhdojë të frymëzojë shumë breza të ardhshëm në Mbretërinë e Bashkuar dhe në botë.

Ai shton se në Shqipëri, mbretëresha do të kujtohet për Urdhrin e Meritës që i dorëzoi Nënë Terezës, në Nëntor të vitit 1983, si njohje për shërbimin e saj të jashtëzakonshëm për njerëzimin.

“Kurora i ka kaluar Mbretit Çarls i III-të. Ndërsa mbajmë zi bashkë me të për largimin e Madhërisë së saj, ne i japim atij dhe familjes së tij ngushëllimet si dhe urimet për të ardhmen.”- shprehet ndër të tjera ambasadori.

LEXONI GJITHASHTU: 

• Princ Harry mbërrin në kështjellën ku vdiq Elizabeth II, nuk shoqërohet nga Markle
• Charles shpallet sot zyrtarisht Mbret i Mbretërisë së Bashkuar