Furnizimi me grurë, tregtarët po lidhin kontrata të reja me shtete të tjera

Pak ditë më parë në Durrës ka mbërritur anija e fundit me grurë nga Rusia, por sapo është shpërndarë në fabrikat e miellit në Tiranë është shitur brenda ditës. “Mirëmëngjes” ka vëzhguar disa nga pikat e tregtimit të miellit.

Lufta Rusi-Ukrainë ka sjellë që në javën e parë probleme në ekonomi, ndërsa pritet që efektet do të jenë shumë negative. Deri tani çfarë po ndikon negativisht është dhe paniku i njerëzve të cilët po nxitojnë të furnizohen, nga frika e rritjes së çmimeve.

Qytetarët shkonin për të blerë dhe ktheheshin duarbosh pasi furnizimi mbaronte shumë shpejt prej kërkesës së lartë.

Një shitës në një nga këto subjekte thotë se situata është e ngjashme me nisjen e pandemisë. Ai tregoi se furnizimi i miellit të martën u shit brenda pak orësh.

E njëjta gjë ndodh edhe në një subjekt tjetër. 13 orë miell janë shitur brenda pak orësh dhe shitësi tregoi se është në pritje për furnizimin e radhës.

Ditën e martë, arriti anija e fundit me grurë nga Rusia. I ftuar në emisionin “Mirëmëngjes, Theodhor Kristuli, kryetar i Unionit Tregtar Agroushqimor tha se 72% e grurit vjen nga Rusia e për këtë arsye do të duhet të gjendjet një treg i ri.

LEXONI GJITHASHTU:

• Importuesi i grurit: Çmimi i miellit do rritet, por paniku po e rrit më shumë