Futbolli ka humbur mbretin e tij

Pelé, i lindur si Edson Arantes do Nascimento, më 23 tetor 1940. Ndërroi jetë më 29 dhjetor në São Paulo, Brazil në moshën 82-vjeçare, duke humbur një betejë të gjatë kundër kancerit që ishte përhapur në disa organe të trupit të tij.

I vetmi futbollist që ka fituar tre tituj të Kupës së Botës (1958, 1962 dhe 1970), braziliani ishte një nga figurat sportive më të shquara të shekullit të 20-të.

Një futbollist i gjithanshëm me një talent të veçantë, Pelé fitoi zemrat e tifozëve në të gjitha kontinentet e botës. Ai luajti një rol vendimtar në ngritjen e futbollit në pozitën e sportit më popullor në planet.

Në vitin 1956, ai filloi të luante për Santos. Në Kupën e Botës 1958 në Suedi, ai u bë kampioni më i ri i botës në moshën 17-vjeçare, duke shënuar në finale.

Pelé ishte gjithashtu pjesë e ekipit që fitoi Kupën e Botës në 1962, dhe u bë dy herë kampion bote për klube. Ai shënoi 77 gola për Brazilin, një rekord të cilin e ndan me Neymar. Në vitin 1970, ai u bë lojtari i parë – dhe ende i vetmi – që fitoi tre tituj të Kupës së Botës, si pjesë e një skuadre që konsiderohet si një nga ekipet më të mëdha në historinë e sportit.

Në fund të viteve 1970, Pelé luajti në SHBA për New York Cosmos, përpara se të tërhiqej në vitin 1977. Ai vazhdoi të merrej me sport, duke punuar si ekspert në televizion dhe duke shërbyer si Ministër për Sportet në Brazil midis 1995 dhe 1998.

LEXONI GJITHASHTU: 

• Asllani ndër mesfushorët më premtues, CIES vlerëson lojtarin e kombëtares shqiptare
• Shpërthim i fuqishëm në një restorant në Turqi, 7 viktima
• Rriten pagat dhe kosto e jetesës, shpenzimet në familje nga 72-99 mijë lekë