Ganimete Musliu nga PDK-ja: Me Serbinë duhet të diskutohet vetëm për njohjen reciproke

Zgjedhjet parlamentare që do të zhvillohen në Kosovë, në datën 14 shkurt shihen si fillimi i fundit të krizës politike për partitë aty, por edhe për qytetarët e Kosovës.

Për fushatën elektorale dhe qëndrimin që do mbajë Partia Demokratike e Kosovës “Balkan Talks” bisedoi me Ganimete Musliu, anëtare e kryesisë së partisë dhe deputete në katër legjistratura në parlament.  

“Unë si deputete në katër legjislatura shoh një dritë në fund të tunelit, që 14 shkurti do i jap kthesën dhe drejtimin e duhur Kosovës”,-thotë zonja Musliu.

Partia ku bën pjesë zonja Ganimete në zgjedhjet e tetorit 2019 doli forcë e tretë dhe kjo mund të shihet si ndëshkim nga elektorati, por Ganimete Musliu nuk e mendon kështu. 

“Nuk e quaj si votë ndëshkuese, e quaj si vendim i një qytetari demokrat, i cili e ndjen nevojën për ndërrimin e pushteteve”,-shprehet ajo.  

Në krye të Partisë Demokratike është Emver Hoxhaj dhe Musliu tregon se nga ndryshon ai në udhëheqjen e partisë në krahasim me paraardhësit Thaçi dhe Veseli.

“PDK-ja në themelet e saj e ka shtresën qytetare të Republikës së Kosovës, të cilët kur janë ngritur në këmbë kanë zgjuar botën për lirinë e Kosovës. Unë nuk shoh një dallim të madh, sepse ka 19 vite që Enver Hoxhaj ka jetuar me partinë Demokratike dhe ka mbështetjen e partisë, pasi mbi supe ka një mision për të sjellë fitoren e Partisë Demokratike”, shton znj. Musliu 

Aj tregoi në “Balkan Talks” edhe strategjinë që do të ndjekin nëse vijnë në pushtet për dialogun Kosovë- Serbi.

“Ne do të jemi të fokusuar në të drejtën e popullit tonë dhe në dialog do të shkojmë në të drejtën e mbrojtjes së popullit tonë. Me Serbinë duhet të diskutohet vetëm për njohjen reciproke”,- rrëfen zonja Musliu.