Ganimete Musliu: PDK mund të bëjë koalicion edhe me Vetëvendosjen

Partia Demokratike e Kosovës ka dalë kundër Lëvizjes Vetëvendosje dhe z. Albin Kurti, por pavarësisht këtij pozicioni, Ganimete Musliu thotë se mund të bëjnë koalicion me çdo parti për të mirën e Kosovës.

“Partia Demokratike mbi partinë dhe vetveten e ka gjithmonë Kosovën. Të gjitha partitë që kanë këto prioritet janë të mirëseardhura në koalicion me partinë demokratike”,-thotë zonja Musliu.

Znj. Musliu jep një mendim edhe për liderin e Vetëvendosjes, z. Kurti.

“Unë e shoh që Vetëvendosja e ka të qartë që duhet të ndryshojë standardet e politikë bërjes, duhet të shohë që bota nuk sillet rreth Albin Kurtit”,-shprehet znj. Musliu.

Z. Veseli dhe zonja Musliu kanë bërë deklarata të forta dhe kanë ngritur akuza ndaj z. Kurti duke e quajtur këtë të fundit si një politikan mjeran, por znj. Musliu i qëndron sërish këtyre fjalëve.

“Unë qëndroj mbrapa fjalëve të mia, që Albin Kurti është një lider vetjak, egoist dhe nuk sheh përtej dy-tre vetave në Vetëvendosje”, thotë e vendosur Ganimete Musliu.

Ajo shprehet gjithashtu se Kosova nuk ka nevojë për eksperimente politike, pasi 50 ditë kanë qenë të mjaftueshme të shihet paaftësia në qeverisje e Vetëvendosjes.

Lexoni gjithashtu:

Ganimete Musliu nga PDK-ja: Me Serbinë duhet të diskutohet vetëm për njohjen reciproke