Garda “përzë” FNSH – Fotoreporteri kap momentin “pikant” nga protesta te Parlamenti

Fotoreporteri Armando Babani ka kapur një moment pikant nga protesta e PD tek Parlamenti të enjten.

Në foton e bërë virale dallohet një oficer i Gardës, që është një nga komandantët e trupës që ka për detyrë mbarëvajtjen në parlament duke larguar forcat e Ndërhyrjes së Shpejtë të cilat shkuan për të penguar deputetët e Partisë Demokratike të futen në Parlament.

Në një intervistë për gazetaren Greta Topjana në Euronews Albania fotoreporteri tha se është detyra e gazetarit të krijojë një debat dhe përmes tij gjërat edhe mund të zgjidhen.

Ai tregoi se gjatë përplasjes u shkrepën shumë foto dhe mes tyre është ajo që përbën lajmin e ditës.

“Fotoja e vitit dhe gardisti në foto personazhi i vitit”, shkruan gazetari Roland Qafoku ne nje postim ne rrjetin social Facebook

“Kjo foto është scoop-i i vitit. Fotoreporteri i njohur Armando Babani ka bërë punën e dhjetra gazetarëve duke i mjaftura vetëm një shkrepje. Aty dallohet oficeri i Gardës Çelnik Hasa që është një nga komandantët e trupës që ka për detyrë mbarëvajtjen në parlament duke larguar forcat e Ndëhryjes së Shpejtë të cilat shkuan d për të penguar deputetët e Partisë Demokratike të futen në sallën e seancave. Oficeri është personazhi i vitit dhe shkrepja e Babanit, fotoja e vitit”, vijon më tej gazetari.