Këngëtarja Besa Kokëdhima nuk ka mundur ta dërgojë Shqipërinë në finalen e Eurovizion.
Ajo performoi me këngën “Titan” në natën e dytë të garës, e shoqëruar nga balerinët.
Gazetari Kostandin Feshti tha në emisionin GoodMornig Albanians në Euronews Albania se që nga fillimi ka qenë kundër kësaj kënge me teksin në gjuhën angleze për të përfaqësuar Shqipërinë në Eurovizion.
Sipas tij, edhe vetë Besa Kokëdhima nuk e këndonte dot atë këngë që siç tha ka një tekst klishe.
“Që në momentin e parë që kënga është lançuar anglisht kam qenë totalisht kundër, të gjitha përfaqësimet tona më të suksesshme kanë qenë shqip. Kënga, ndoshta ky ishte gabimi më i madh, me tekstin në anglisht është më se e dëgjuar, një tekst deri diku klishe, ka edhe shumë këngë të tjera me këtë tekst. Duket sikur kishte momente që edhe vetë Besa e nuk e këndonte dot atë këngë, se është vokalisht shumë e vështirë. Një tjetër fat i keq për ne është që ishim në natën e dytë, ku këtë herë ka pasur shumë pretendentë për të fituar”, tha ai.
LEXONI GJITHASHTU:
- Besa Kokëdhima nuk kualifikohet në finalen e Eurovizion
- Besa Kokëdhima elektrizon skenën e Eurovizion 2024 me Titan