Gazetari: Erdogan është lojtar i madh, ja si po e shfrytëzon konfliktin në Izrael

Gazetari Stavri Marko tha në një intervistë për Euronews Albania se presidenti i Turqisë është një nga ata që ka marrë anën e kundërt të lojës diplomatike që po bëhet nga ana e NATO-s për të mbrojtur Izraelin.

Gazetari tha se Erdogani është një lojtar i rajonit që raste të tilla i shfrytëzon edhe për të evidentuar forcën e tij karshi botës islame.

“Erdogan sigurisht që është një nga vendet e  NATO-s, do të shikojmë që do të ketë akoma eskalime sepse Erdogan është një lojtar rajoni i cili i shfrytëzon raste të tilla për të evidentuar edhe forcën dhe fuqinë e vendit të tij karshi butës myslimane, veçanërisht asaj arabe.

Duhet të kemi parasysh që do të kemi një konflikt të brendshëm mes botës islamike, ku janë edhe sunitë që janë pjesa turke. Kam përshtypjen se Erdogan do i shfrytëzojë të gjitha këto mundësi duke qenë edhe lojtarë nga ana e Rusisë”,-tha gazetari Marko.

LEXONI GJITHASHTU:

• Departamenti i Shtetit: Të paktën 22 amerikanë të vdekur në Izrael
• Manastiri 3-shekullor i Kremesovës në Piqeras, banorët tregojnë gojëdhënat