Manastiri 3-shekullor i Kremesovës në Piqeras, banorët tregojnë gojëdhënat

Manastiri i Kremesovës ngrihet mbi një kodër të fshatit Piqeras, në jug të vendit. Brenda murit të saj rrethues ndodhet kisha e Shën Mërisë, objekt i cili është shpallur monument kulture në vitin 1970.

I ndërtuar rreth viteve 1700, manastiri është kthyer një tempull të qetësisë shpirtërore për banorët, që kanë lidhje të ngushtë emocionale me të, dhe besojnë se aty vërtet kanë ndodhur mrekulli.

“Vemi ndezim qiri, lëmë ca të holla sa të kemi mundësi, dhe shkojmë gjithmonë. Besojmë në mrekulli se vetë vendi është mrekulli”,-tha një vizitore.

“Ne e vizitojmë shpesh, manastiri është vendi më i shenjtë, për gjithë këtë zonë, për bregdetin tonë është shumë i vjetër dhe shumë i shenjtë. Atje ne shkojmë në ditë festash, shkojmë dhe vetë për tu falur, për të na ndihmuar. Atje janë shëruar njerëz, shumë njerëz që kanë patur probleme, shkojnë atje edhe i ka ndihmuar. Unë nuk e ndjej rrugën kur shkoj, nuk e kuptoj nga shkoj e ku vete kur shkoj në manastir”, tha vizitorja.

Banorët tregojnë gojëdhënat e dëgjuara ndër vite për vendin ku ndodhet manastiri, dhe arsyet se përse disa prej tyre e përshkojnë këmbë zbathur rrugën rreth 30 minuta në një terren tepër të vështirë malor.

“Unë kur vijë këtu gjej qetësi, më pëlqen shumë jashtëzakonisht shumë. Vijmë këmbëzbathur, se duke qenë se është vendi i Zotit. Zoti gjithnjë këmbëzbathur ka qenë ka bërë gjithë ato sakrifica pse ne mos të bëjmë.”

Përveç banorëve që besojnë në mrekullitë e tij, Manastiri i Kremasovës vizitohet edhe nga turistë të huaj. E veçanta e këtij vendi, që për banorët është i shenjtë, është aty nuk jeton asnjë murg dhe se mirëmbahet nga vetë banorët e zonës.

LEXONI GJITHASHTU:

• 200 mijë turistë| Kalaja e Gjirokastrës monumenti më i vizituar në vend
• Policia e Shtetit shtyn afatin e aplikimeve për Akademinë e Sigurisë