Inxhinieri Qerim Ismeni dhe gazetari Julian Hoxhaj debatuan në emisionin Review në Euronews Albania lidhur me mbetjet e cilësuara të rrezikshme të kthyera në portin e Durrësit.

Sipas inxhinierit, nuk bëhet fjalë për mbetje të rrezikshme por për zink në trajtë pluhuri që përdoret në industri, edhe nga Tajlanda për prodhimin e kallajit.

“Tajlanda është një nga prodhuesit më të mëdhenj të kallajit në botë dhe bashkë me kallajin gjendet dhe zinku. Ky produkt i joni është në trajtën e oksidit të zinkut, që është në trajtë pudre, nuk është mbetje. Nuk janë të rrezikshme, janë mall për tregti”, tha ai.

Sipas gazetarit Hoxhaj, problemi më i madh është se ende nuk dihet origjina e këtyre mbetjeve dhe sipas investigimit të Rrjetit të Baselit ka dyshime se Shqipëria mund të jetë përdorur vetëm për të kryer procedurat dhe këto mbetje mund të kenë ardhur nga kudo.

“Ne nuk e dimë origjinën e tyre, kreu i Rrjetit të Baselit ka ngritur dyshime se Shqipëria mund të jetë përdorur thjesht për të kryer procedura dhe këto mbetje mund të kenë ardhur nga kudo. Kompania Kurum e ka mohuar që janë mbetje të saj, nuk dihet ende se kush i ka prodhuar. Nuk është vetëm përgjegjësi e portit, ka zyrtarë më të lartë që kanë firmosur protokolle që kontrollojnë pikërisht portin e Durrësit për çështje të tilla”, u shpreh gazetari.

LEXONI GJITHASHTU:

• Çfarë rreziku fshihet pas mbetjeve në port? Puccket: Testimet do zbulojnë gjithçka!
• Anija me 102 kontejnerë me mbetje futet në portin e Durrësit