Gazetari: Ja pse të rinjtë kanë frikë të punojnë si elektricistë apo hidraulikë

Gazetari Agim Baçi tha në emisionin Barometri në Euronews Albania se brezi i të rinjve të sotëm refuzojnë të bëjnë çdo lloj pune, sidomos ato punë që lidhen me profesionin apo zanatin.

Ky refuzim sipas tij lidhet me frikën se këto profesione do t’i lënë në hije, do t’i lënë anonimë.

“Frika jonë dhe e të rinjve të sotëm nuk është e njëjtë. Kemi një trend ndaj punëve të dukshme dhe tërheqje nga profesione. Ky brez duket sikur ka frikë nga profesionet, elektricist, hidraulik apo shofer, se këto profesione i lënë anonim. Duhet t’u tregojmë këtyre të rinjve se puna me dinjitet është shumë më e mirë se ajo e paguar mirë dhe pa dinjitet”, tha Baçi.

LEXONI GJITHASHTU:

• Sondazhi i Barometrit: Të rinjtë shqiptarë janë të papërgjegjshëm
• Të rinjtë gjykohen nga të rriturit në Shqipëri, gjetjet e Barometrit