Gazetari jep detaje: Xhamal Loka do arratisej pasi gruaja piu fotoksinë në Durrës

Gazetari Eni Ferhati tha në “Now me Erla Mëhillin” në Euronews Albania se prokuroria ka dyshime se Xhemal Loka do të arratisej.

Duke dhënë detaje për ngjarjen e rëndë ku Bedrie Loka, nënë e 4 fëmijëve i dha fund jetës duke pirë fotoksinë, gazetari Ferhati tha se në momentin që bashkëshorti i saj u shoqërua në polici ai kishte shumë të mëdha parash, gjë që i kanë shtyrë prokurorët të dyshojnë se ai ka dashur të arratiset për t’ju shmangur hetimeve lidhur me rastin.

“Sipas prokurorisë ka dyshime të arsyeshme se Xhemal Loka do të arratisej, para se të arrestohej pas ngjarjes, pasi ditën që u shoqërua atij ju gjetën me vete një sasi parash prej 2800 eurosh dhe 27 mijë lekë.

Sipas prokurorisë disponimi i kësaj shume marrë në kontekstin e ngjarjes së ndodhur ka shtuar dyshimet se ky person po përgatitej të largohej jashtë vendit, për t’ju fshehur procesit hetimor lidhur me këtë ngjarje”,-tha Eni Ferhati.

LEXONI GJITHASHTU:

• Vetëvrasja e Bedries, Prokuroria: Xhemali ushtronte sistematikisht dhunë ndaj gruas
• Zbardhet dëshmia e bashkëshortit të Bedrie Lokës: Kemi pasur konflikte, por e doja