Gazetari-Luan Baçit: Të vendosi Basha në listë të sigurt, se nuk do ishte deputet

Gazetari Reldar Dedaj  ka debatuar me deputetin e Partisë Demokratike, Luan Baçi në lidhje me situatën e brendshme në këtë forcë politike.

Në Euronews Albania, Baçi iu drejtua Dedajt, duke i thënë se u emërua nga ish-kryedemokrati Lulzim Basha, si anëtar i Këshillit Kombëtar.

Ndërsa, Dedaj iu përgjigj Baçit duke u shprehur se ai nuk do të ishte deputet, nëse Basha nuk do ta vendoste emrin e tij në listë të sigurt.

Pjesë nga debati

Luan Baçi: Ke qenë anëtar i Këshillit Kombëtar i emëruar nga Basha dhe ke dashur të bësh një farë karriere.

Reldar Dedaj: Po ju, deputet i Partisë Demokratike nga kush jeni emëruar? Të ka futur Lulzim Basha në listën fituese, se ju sot nuk do të ishit deputet i Partisë Demokratike.

Luan Baçi: Jam votuar dhe jam më i votuari në të gjithë qarkun, edhe si deputet, edhe si kandidat kur të bëhej lista. Nuk më hiqte dot nga lista as Lulzim Basha dhe askush tjetër, ta dish mirë këtë ti.

LEXONI GJITHASHTU

• Baçi: Opozita e Bashës nuk ishte e përgjumur, por e shitur
• ‘Rama e flaku si limon i shtrydhur’, Berisha flet për largimin e Yuri Kim-it
• Burg për 31-vjeçarin që sulmoi Sali Berishën