Gazetari Sejamini: Qarku i Durrësit mbetet potencial për fitoren e opozitës

Gazetari dhe drejtuesi i emisionit “Me pak Fjalë” në Euronews Albania thotë se qarku i Durrësit e ka të gjithë potencialin, që t’i dhurojë fitore opozitës më 25 prill.

“Durrësi është qarku, ku potenciali i opozitës është ende më i madh se kudo tjetër. Me këtë potencial, qarku i Durrësit është një nga ato qarqe që opozita mund të fitojë”, tha ai.

Ai thotë se po të bëheshin bashkë të gjithë partitë e opozitës do merrnin shumicën e votave në qarkun e Durrësit.

“Është e qartë se Durrësi është i polarizuar. Të gjitha partitë e tjera po të ishin bashkë me LSI dhe bashkë me PD, do ishin shumicë në Durrës dhe kjo është ajo që nuk ndodh në çdo qark tjetër”, tha Sejamini.

Nëse zgjedhjet do të mbaheshin këtë të diel, qarku i Durrësit do të votonte në këtë mënyrë: 43.3% e votuesve të anketuar nga Euronews Albania dhe kompania prestigjioze MRB do të votonin për Partinë Socialiste, 36.9% do të votonin për Partinë Demokratike dhe 5.4% do të votonin për Lëvizjen Socialiste për Integrim, ndërsa 2.5% e tyre do të votonin partitë e tjera.

Lexoni gjithashtu:

Cila parti e merr Durrësin? Sondazhi zbulon si do të votonin durrsakët po të mbaheshin zgjedhjet të dielën

Menaxhimi i pasojave të tërmetit, qarku i Durrësit i vë notë qeverisë dhe opozitës

Preferenca për kryeministrin, Basha dhe PD performon më mirë në Durrës në krahasim me veten në nivel kombëtar