Gazetari: Si u gjetën armët në kosheret e bletëve të Vis Martinaj

Gazetari Eni Ferhati, zbuloi nga studio e Euronews, detaje të reja nga operacioni i ndërmarrë ditën e djeshme nga FNSH dhe Renea në banesën e Ervis Martinaj.

Ferhati deklaroi se gjatë kontrollit të banesës u gjet një sasi municioni dhe armësh të cilat duhet të jenë futur aty që përpara kohës Vis Martinaj të shpallej i zhdukur.

Ai shtoi se armët u gjetën të fshehura në kosheret e bletëve dhe ishin vendosur aty me shpresën se policia nuk do të mund t’i shkonte ndërmend të kontrollonte kurrë.

“Ato armë ajo sasi munuicionoi nuk mendoj të jetë futur aty pasi të jetë deklaruar i zhdukur Ervis Martinaj, apo i shpallur në kërkim, kanë qenë aty. Ishin të fshehura në kosheret e bletëve. Kanë menduar personat që i kanë fshehur aty se policia nuk do të kontrolloj deri në kosheret e bletëve, pasi bletët janë të shenjta.

Më herët banesave e Ervis Martinaj ka qenë objekt i kontrolleve të policisë, kujtojmë pas operacionit plumbi i artë që e ka patur detyrim ligjor për ta kontrolluar”, tha ai.

Ferhati shtoi se qëllimi i kontrolleve nuk ishte gjetja e armëve por gjeta e provave të tjera shkencore që mund të lidhen mbi hetimin për zhdukjen e Vis Martinaj.

“Nuk ka patur qëllim që të gjenden këto armë, ka patur qëllim tjetër”, tha Ferhati.

LEXO GJITHASHTU:

• Armë dhe predha brenda kosherëve të bletëve, çfarë u gjet në banesën e Vis Martinajt
• “Më herët, iu arrestua kunati”- Gazetari zbulon detaje nga aksioni për Vis Martinajn
• Siguria e Vis Martinajt: Kamera, dyer të blinduara, makina blind dhe eskortë sigurie