Gazetari Tela për ngjarjet e 8 janarit: Imazhi më trishtues në Shqipërinë e 2022

Gazetari Andi Tela tha në emisionin Now në Euronews Albania se ngjarjet e 8 janarit në Partinë Demokratike ishin për të “imazhi më trishtues” në Shqipërinë e 2022.

Gazetari iu drejtua ish-kryeministrit Berisha, i ftuar në studion e Now, duke i thënë se nuk duhet ta justifikojë protestën përpara selisë së PD-së të shtunën.

“Ne nuk arrijmë të kuptojmë se si ka mundësi që me 8 janar, ku ju thoni protestë paqësore, ne prisnim skenën e protestës së armëve kimike dhe të studentëve, por protestuesit shkuan për të thyer dyert”, tha Tela.

Gazetari tha se ata që prekën me tepër nga kjo histori janë shqiptarët “sepse kanë Edi Ramën përballë dhe një opozitë të përçarë për më tej”.

Ish-kryeministri Berisha, nga ana e tij tha se protesta ishte krijim i opozitës së vërtetë.

“Drama më e madhe e shqiptarëve është që këto 8 vite ata nuk patën një opozitë. Dje u faktua se ajo që quhej opozitë ishte një fasadë e qeverisë. Shqiptarët duhet të jenë të ulmtur që ka një përpjekje për të shpëtuar pluralizmin politik”, tha Sali Berisha.

LEXONI GJITHASHTU:

• Berisha: Për hir të qëndrimit tim ndaj ligjit do shkoj në Prokurori
• Berisha paralajmëron ‘opozitë të vërtetë’: S’do ta lemë që Portin e Durrësit ta marrë Basha e Rama
• Sali Berisha: Ky është revolucion për lirinë e demokratëve