Gazetari zbulon takimet e ish-ambasadorit serb me Dick Marty

Gazetari Lirim Mehmetaj është shprehur se ish-ambasadori serb është takuar me Dick Marty dhe i ka dhënë dokumente mbi të cilat janë ngritur dhe akuzat për ish-komandantët e UÇK-së që ndodhet Hagë.

Në një intervistë për Euronews Albania, ai tha se ata janë takuar në një stacion në Zvicër ndërsa shtoi se të gjithë listën për personat e akuzuar për krime lufte, Gjykatës Speciale, ia ka dhënë Prokuroria Serbe.

“Janë dy lloje të njerëzve që kundërshtojnë Gjykatën Speciale, lloji i parë janë ata që kanë besuar se është gabim që të ndërtohet një Gjykatë Speciale brenda një presioni  dhe situate të caktuar sepse kuptohet që ishte politike dhe ka një grup tjetër personash që kanë besuar që Gjykata speciale do të sjellë drejtësi. Në televizizonet serbe ish-ambasadori serb tregon se si është takuar me Dick Marty, në një stacion ën Zvicër dhe i ka dhënë dokumente për të bërë akuzën për trafikimin e organeve. Sipas deklaratave të gjithë listën e krimeve të supozura për ish-komandantët e UÇK-së, Gjykatës Speciale ia ka dhënë Prokuroria Serbe për krime lufte. Gjykata Speciale ka pasur zyrë të hapur në Beograd, por jo në Prishtinë”- tha ai.

LEXONI GJITHASHTU: 

• 2 të infektuar, situata e Covid-19 në 24 orët e fundit në vendin tonë
• Ambasadorja greke: Shqipëria, vend që ngjall interes. Synojmë rritjen e investimeve