Gazetarja flet për goditjen e radhës së SPAK: Do të jetë majtas

Gazetarja e kronikës, Glidona Daci, ka zbuluar gjatë një interviste për Euronews Albania se goditja e radhës e SPAK do të jetë sërish majtas.

Daci tha se në Prokurorinë e Posaçma janë duke u hetuar dosje të nxehta për korrupsion dhe abuzim detyre për zyrtarë ose ish-zyrtarë të majtë.

Ajo tha se është pak e vështirë nga organi i akuzës që të provojë vepra penale të shpërdorimit të detyrës për ish-funksionarë të PD-së, të cilat janë parashkruar tashmë.

“SPAK-u është në vitin e tij të katërt. Do ketë dosje të tjera të nxehta që do të godasin sërish për fat të keq majtas. Nëse kryeministri e cilëson si sulm nga ana e SPAK-ut që po godet majtas, atëherë do të jetë përsëri majtas. Sepse e majta ka mandatin e tretë në pushtet dhe padyshim tenderat ku dyshohet se janë bërë abuzime dhe ka korrupsion, janë bërë nga e majta. E djathta ka qenë 2005-2013 në psuhtet dhe nuk mundesh t’i të kapësh veprën penale të shpërdorimit të detyrës që parashkruhet për 5 vite”, tha Daci.

LEXO GJITHASHTU:

• SPAK e akuzon zyrtarisht për ‘Gërdecin’, Mediu: S’e pranoj akuzën, jam i pafajshëm
• Ngjela: Pushimi i çështjes, nuk është pafajësi, Mediu të përballet me ligjin