Gazetarja: Lokalet pranë shkollave në Kombinat e Shkozë shesin drogë

Në kuadër të paketës së sigurisë në shkolla, Ministria e Brendshme ka parashikuar ashpërsim të dënimeve për 10 vepra penale, kur këto krime kryhen brenda ‘Perimetrit të sigurisë’ në shkolla.

Gazetarja Aida Topalli në një intervistë për emisionin “Good Morning Albanians” në Euronews Albania,  tha se pranë shkollave shiten lëndë narkotike, konkretisht në lokalet afër.

Mes tjerash ajo theksoi se nxënësit që shesin në këto shkolla janë poshtë moshës 18-vjeç.

“Unë nuk e mendoj dot që një person, një biznesmen të hap një lokal afër një shkolle dhe ta përshtasë atë për shitjen e lëndëve narkotike. Ka shumë të tilla. Në Kamëz, ke në afërsi të shkollës “Myslim Keta”, kemi një në afërsi të një shkolle në Shkozë.  Nxënësit që shesin në këto shkolla janë të moshës 18-vjeç e poshtë”-tha ajo.

LEXONI GJITHASHTU:

• Toksikologia: Nëse 26-vjeçarja ka pirë drogën GHB, zhduket nga trupi për 24 orë
• Putin: Konflikti midis Izraelit dhe Hamasit mund të përhapet përtej Lindjes së Mesme