Gazetarja: Meloni është urë lidhëse mes Ramës dhe Donald Trump

Kryeministri Edi Rama ka surprizuar kryeministren e Italisë, Giorgia Melonin, gjatë takimit në Emiratet e Bashkuara Arabe, ku ata morën pjesë në samitin “Abu Dhabi Sustainability Week”.

Rama i ka dhënë Melonit, i ulur në gjunjë, një dhuratë për ditëlindje, pasi ajo feston sot 48-vjetorin.

Gazetarja Alba Kepi tha në emisionin People në Euronees Albania se Rama është duke u bërë show në takime ndërkombëtare për t’u ndjerë protagonist, ndërsa në rastin e Melonit po e shfrytëzon për të arritur qëllimet e tij në raport e faktorin ndërkombëtar.

Sipas saj, Meloni mund të shërbejë si një urë lidhëse me Ramës dhe presidentit të ri të SHBA Donald Trump me të cilin kjo e fundit ka miqësi të fortë.

“E kam parë si një qasje për të qenë protagonist. Së dyti faktori ndërkombëtar, është në sytë e të gjithëve miqësia që Meloni ka me Donlad Trump, dhe mendoj se edhe në ketë lloj show është edhe një favor që mund t’i kërkoj në të ardhmen nëse ai do të ketë nevojë për SHBA. Meloni është etiketuar nga Trump si urë lidhëse, pa dyshim që nëse do të ketë nevojë, Rama do kërkojë ndihmë te mikesha e tij Meloni”, tha ajo.

LEXONI GJITHASHTU:

• Meloni: Gati të aktivizojmë qendrat e emigrantëve në Shqipëri
• “Musk, një rival për mua?”- Rama surprizon Melonin për ditëlindje në Abu Dhabi