Gazetarja ruse rrezikon burg për protestën kundër luftës në Ukrainë

Gazetarja ruse, Marina Ovsianikova e cila protestoi të hënën në mbrëmje në televizionin Pervii Canal (Canal 1) duke dalë me pankartë kundër luftës në Ukrainë rrezikon 5 deri në 10 vjet burg.

Në një reagim në rrjetet sociale ajo thotë se nuk pendohet dhe është krenare për veprimin e saj.

Ajo aktualisht ndodhet në arrest shtëpie pasi fillimisht u arrestua dhe u mbajt në stacionin e policisë në Moskë.

A woman burst onto Russia’s main live evening newscast today with a sign that says:

“Stop the war
Don’t believe propaganda
They’re lying to you”

And chanting: “Stop the war! No to war!”pic.twitter.com/pKVKZFVEM3

— max seddon (@maxseddon) March 14, 2022

Në disa postime në rrjetet sociale, të cilat nuk konfirmohen dot nëse janë bërë nga Marina Ovsianikova, ajo shkruan se nuk e di ccfarë do të ndodhë me të në të ardhmen.

“Avokati më tha se rrezikoj një dënim nga 5 deri në 10 vjet. Nuk pendohem për veprimin. Sidoqoftë kam nevojë për mbështetjen tuaj”, shprehet  Ovsiannikova në Twitter.

Nuk është e qartë nëse këto postime në Twitter janë bërë vërtetë nga Marina Ovsiannikova. Kjo llogari më vonë është fshirë.

Mediat polake shkruajnë se gazetarja më parë kishte regjistruar një video mesazh, ku thotë se babai i saj ishte nga Ukraina kurse nëna ruse dhe bënte thirrje për protesta kundër luftës.

Gazetarja shprehet se ndihet e turpëruar për punën në televizion pasi i ka shërbyer propagandës së Kremlinit.

Marina Ovsyannikova, the woman who ran onto a live state TV news broadcast, even recorded a message beforehand. In it, she says her father is Ukrainian. She calls for anti-war protests, says she’s ashamed about working for Kremlin propaganda, and she denounces the war absolutely. pic.twitter.com/nOpUY9bH74

— Kevin Rothrock (@KevinRothrock) March 14, 2022

12 orë pas protestës, gazetarja ka humbur kontaktet. Dmitry Zakhvatov, avokat i saj i ka thënë CNN se nuk ka arritur që ta takojë.

Grupi për të drejtat e njeriut OVD Info thotë se autoritetet në Rusi kanë nisur hetim për incidentin.