Gazment Bardhi bën kërkesë “urgjente” për ndryshimin e rendit të ditës

Pas mbylljes me debatë të mbledhjes së Konferencës së kryetarëve të mbajtur këtë të enjte, deputeti Gazment Bardhi ka kërkuar ndryshin të rendit të ditës për seancën plenare.

Ai pretendon se kryetarja e Kuvendit ka shkelur rregulloren e Kuvendit. Gjatë mbledhjes Bardhi kritikoi ashpër mënyrën si po funksionon Kuvendi, duke akuzuar mazhorancën për mungesë transparence dhe kontroll të plotë. Ai theksoi se Kuvendi është kthyer në “pronë private” të mazhorancës, duke mos lejuar çështje jashtë rendit të ditës.

Në kërkesën e dërguar kryetares së Kuvendit, Bardhi kërkon që në pikën e tretë të rendit të ditës të përfshihet edhe diskutimi jashtë rendit të ditës për 60 minuta.

Pikat e parashikuara për shqyrtim ishin:

• Projektprogrami i punës së Kuvendit për periudhën 29 maj – 8 korrik 2025.
• Projektkalendar i punimeve për periudhën 29 maj – 18 qershor 2025.
• Raporti i monitorimit për periudhën 1 janar – 31 mars 2025, lidhur me ecurinë e zbatimit të Planit të Veprimit të Kuvendit.

LEXONI GJITHASHTU:

• Dhunuan 2 persona për shkak të pronave në Tiranë, 4 të arrestuar, 1 në kërkim
• Kurti: Rritja e pranisë në kufirin Kosovë-Serbi reagim ndaj “Defender Europe”