Gazment Bardhi flet pas mbledhjes së Këshillit: Apeli im për Bashën

Sekretari i përgjithshëm i Partisë Demokratike Gazment Bardhi tha në një deklaratë për mediat pas mbledhjes së Këshillit Kombëtar se ky nuk është një moment për të krijuar një ngërç të ri në parti.

Ai bëri para kamerave edhe një apel për ish-kryetarin e Partisë Demokratike Lulzim Basha dhe për të gjithë faktorët e tjerë të partisë që të mos krijojnë rrëmuja anti-statutore dhe se truket për interesa personale duhet të lihen  mënjanë.

“Apeli im për zotin Basha dhe çdo faktorë brenda Partisë Demokratike është të reflektojë të mos çojë partinë në një tjetër përplasje, të gjejë një zgjidhje që është interesi i demokratë ve dhe i partisë demokratike. Ky nuk është momenti që Në Partinë Demokratike të ketë akte anti-statutore që nuk prodhojnë asgjë veçse një ngërç të ri e një rrëmujë në Partinë Demokratike, por nuk kanë asnjë vlerë statutore apo ligjore.

Në një proces anti-statutor edhe zoti Berisha pretendon se është kryetar i Partisë Demokratike. Duhet të funksionojë rruga statutore dhe instituconale, të lihen mënjanë truket për interesa personale dhe cilido në një garë sipas statutit është i lirë të marrë pjesë “,-tha Gazment Bardhi.

Kujtojmë se në mbledhjen e Këshillit Kombëtar u mor vendimi për anulimin e zgjedhjes së kryetarit të ri të PD.

LEXONI GJITHASHTU:

• Këshilli Kombëtar pezullon nga funksioni Kryesinë e Partisë Demokratike
• Megaoperacioni i SPAK/ Gazetari: Një celular i sekuestruar, ka prova të rëndësishme