Pas fjalimit të kreut të PD-së, Sali Berisha protestuesit çanë kordonin e efektivëve, të cilët kishin rrethuar Kryeministrinë.

Protestuesit hodhën bojë dhe gurë në drejtim të mureve të godinës së Kryeministrisë, pas thirrjes së organizatorëve për të ndezur qirinj për viktimat Ardit Gjoklaj, Klodian Rashën, Lear Kurtin.

Gent Strazimiri u shpreh se një nga protestuesit është shoqëruar, pasi donte vetëm të vendoste një flamur në dritaret e Kryeministrisë.

“Efektivët duhet të kërkojnë falje, jo vetëm djalit por edhe flamurit”, tha ai.

Pas më shumë se dy orësh, ka përfunduar protesta kombëtare e opozitës para Kryeministrisë, e thirrur nga Partia Demokratike.

Në protestë pati 20 folës, ndër to kryedemokrati, Sali Berisha dhe kreu i Partisë së Lirisë, Ilir Meta.

Protestuesit çanë kordonin e policisë dhe hynë në oborrin e Kryeministrisë, ku hodhën bojë në dyert dhe dritaret e godinës.

Për mbarëvajtjen e protestës, ishin në gatishmëri rreth 1000 efektivë policie, teksa disa akse rrugore u mbyllën që prej orës 15:00.

Shërbimet e rendit patën peshën kryesore, por kishte edhe një mobilizim të Forcave Speciale. Në protestë kishte një numër shumë të lartë qytetarësh, të cilët iu përgjigjën pozitivisht ftesës së opozitës.

LEXONI GJITHASHTU:

• Përfundon protesta: Berisha-Meta akuza Ramës, protestuesit çajnë kordonin e policisë
• “Punoj në shtet, kam dalë si qytetar”, protestuesi tregon pse iu bashkua protestës