Genta Sula përlotet në “Now”: Si do gjenden të zhdukurit në komunizëm që s’kanë varr

Kryetarja e Autoritetit të Dosjeve, Genta Sula është përlotur në emisionin “Now” në “Euronews Albania’, teksa fliste në lidhje me iniciativën që ky institucion kishte ndërmarrë, në lidhje me gjetjen e të zhdukurve në komunizëm që nuk kanë varr, mes tyre edhe gjyshi i saj.

Teksa fliste për procedurat për këtë çështje, Sula tha se nuk do të pushojë së bëri punën e saj, derisa të fillojë gërmimi i parë për të gjetur të zhdukurit.

“Çështja është e vështirë, komplekse. Rastet e thjeshta i kanë zgjidhur familjarët në vitet e para, rastet më të vështira kanë mbetur pezull, vitet kanë kaluar, ka munguar edhe vullneti politik. Deri më tani është kompiluar harta e vendeve të dyshuara, janë mbi 100 vende të dyshuara që familjarët kanë mbledhur informacion vetë.

Kemi rreth 170 familje që janë duke kërkuar familjarë. Ne kemi propozuar disa kompetenca shtesë për hetime të karakterit administrativ me ndihmën e prokurorisë. Fshehja e kumofës është e dënueshme, tekonologjia e ADN-së nuk është aq e thjeshtë. Nuk do pushojmë së bëri punën tonë derisa të fillojë gërmimi i parë, atëherë mua do më duket sikur gjeta gjyshin tim, por të bëhet kërkimi i parë”, theksoi ajo.

LEXONI GJITHASHTU

• Genta Sula tregon raportin me Ilir Metën pas publikimit të dosjes I.M
• Genta Sula tregon pse u publikua çështja e shtetasit I.M
• Si u zhdukën “dosjet e nxehta” të ish-Sigurimit të Shtetit? Flet Genta Sula