Genta Sula tregon pse u publikua çështja e shtetasit I.M

Kryetarja e Autoritetit të Dosjeve, Genta Sula thotë se institucioni që ajo drejton ka bërë me rastin e çështjes së shumëpërfolur I. M, të njëjtën gjë që ka bërë për dhjetëra persona të tjerë.

Në emisionin ‘Now’ në Euronews Albania, Sula u shpreh se Autoriteti ka bërë publik një njoftim standard me iniciale, siç ka vepruar në të gjitha rastet e shqyrtuara prej tyre, duke lënë të kuptohet se nuk ka pasur asnjë lloj tendence lidhur me këtë rast specifikisht.

“Nuk kemi asnjë vendim për personin, ne kemi bërë publike njoftimet e institucionit. Kemi përdorur inicialet si gjithmonë, gjë që e kemi bërë për të gjithë. Të gjitha verifikimet e figurave ne i kemi bërë me iniciale. Institucioni ka publikuar një njoftim të thjeshtë se i jemi drejtuar sërish parlamentit pasi kemi  gjetur sërish informacione, është njoftim i publikuar në faqen tonë”, tha Sula.

LEXONI GJITHASHTU:

• Si u zhdukën “dosjet e nxehta” të ish-Sigurimit të Shtetit? Flet Genta Sula
• Sula: 78 personalitete kanë qenë ish-bashkëpunëtorë të Sigurimit dhe vijojnë punën