“Gërdeci”|Zbardhen dëshmitë në gjyqin ndaj Mediut, çfarë thanë në GJKKO ish-zyrtarët

Ka nisur ditën e sotme seanca gjyqësore në GJKKO ndaj Fatmir Mediut, për dosjen “Gërdeci”.

Ditën e sotme u mbajt seanca në GJKKO për ish-ministrin e Mbrojtjes, Fatmir Mediu, lidhur me çështjen “Gërdeci”.

Ditën e sotme ishin thirrur nga SPAK për të dëshmuar shtetasit Shkëlzen Madani, Rezart Tershana, Zenun Fero, Dashnor Çaushi dhe Besnik Dauti.

Burime për Euroneës Albania bëjnë me dije se Shkelzën Madani, ish-Drejtor i Shërbimeve Mbështetëse në Ministrinë e Mbrojtjes ka deklaruar se Mediu nuk ka pasur asnjë ndikim apo influencë në punën për demontimin e armëve.

“Gërdeci u përcaktua nga privati, asnjëherë nuk pati influencë nga Ministri i Mbrojtjes”, ka thënë Medani.

Po ashtu ai ka thënë se ka marrë një shkresë me mbishkrim për Shkëlzen Berishën, djalin e ish-kryeministrit, por shtoi se ia ka kaluar atë Drejtorisë Juridike, pasi nuk ka qenë për të.

“Më erdhi shkresa me mbishkrimin për Shkëlzen Berishën dhe ia kalova Drejtorisë Jurdike se nuk ishte për mua”, tha Medani.

Ndërsa ish-ushtaraku Zenun Fero ka deklaruar se ka bërë 3 vite burg dhe nuk e di përse i ka bërë.

Kam bërë tre vjet burg, nuk e di as vetë pse i kam bërë”, ka thënë Fero.

Seanca e radhës u vendos të mbahet më 7 shkurt ora 9:00, për shkak se Mediu ka kërkuar disa ditë kohë, pasi do të jetë pjesë e delegacionit të Kuvendit dhe do bashkëdrejtojë konferencën për interferencat malinje ruso- kineze në Ballkan.

Mediu po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.

Kujtojmë se nga shpërthimi në fabrikën e demontimit të armëve në Gërdec në vitin 2008, humbën jetën 26 persona dhe u plagosën disa të tjerë.

LEXONI GJITHASHTU:

• “Gërdeci”| Nis seanca ndaj Mediut, kush janë dëshmitarët e thirrur nga SPAK (Emrat)
• Mediu në gjyq për “Gërdecin”, 2 dëshmitarët e dënuar nga Gjykata refuzojnë të flasin