Girona do të luaj në Champions, plotësojn kushtet e nevojshme

Problemet për pronësinë që i mohonin pjesëmarrjen në ligën e kampionëve kanë marrë fund, e Girona kështu mund të bëhet gati për aventurën e re evropiane. Ekipi spanjoll, i cili është nën pronësinë e City Football Group ia ka dalë të bëjë ndryshimet e duhura strukturore për të marrë miratimin e Uefa, e cila ka konfirmuar pjesëmarrjen e tyre në eventin e më të mirëve. Lajmin në fjalë e ka konfirmuar dhe gazeta Marca, e cila bën me dije se drejtuesit e Gironas janë në përputhje me ligjet e Uefa-s, e tanimë nuk ka asnjë pengesë.

E njëjta gjë dhe me Nice-n në Francë, që po ashtu ka lidhje me drejtuesin e Manchester United Ratcliffe, pork jo nuk do ti pengojë në eventet europiane. Girona kujtojmë që sezonin e rregullt e mbylli në vendin e 3-të në Spanjë, pas Realit të Madridit dhe Barcelonës, ndërkohë që dhuroi performancën më pozitive në historinë e saj. Ekipi i Mikel arriti të mposhtë Barcelonën apo ekipe të tjera të mëdha, ndërsa ishte i pafuqishëm përballë gjigantëve të Realit të Madridit, të cilët e mposhtën dhe në garën e përgjithshme të La Ligas.