Gjendet piktura e vjedhur e Gustav Klimt pas 22 vitesh

Një pikturë e artistit autstriak Gustav Klimt, e cila u vodh në vitin 1997, mund të jetë gjetur e fshehur në një mur të jashtëm të galerisë italiane nga ku ishte vjedhur.

Portreti i një gruaje, e përfunduar në vitin 1917, u gjet nga punonjësit e galerisë.

Teksa po mundoheshin të pastronin bimët kacavjerrëse të Galerisë “Ricci Oddi”, ata gjetën një derë të vogël të fshehur mbrapa tyre ku brenda ndodhej piktura e veshur me një qese.

Ekspertët tani po punojnë për të kuptuar nësë piktura është origjinalja e artistit.

Piktura u zhduk në shkurt të vitit 1997, ne atë kohë autoritetet thonin se kryevepra ishte vjedhur me një grepi peshkimi me anë të cilës ishte tërhequr drejt një hapësire në çatinë e galerisë.

Vetëm një muaj më vonë, një kopje e falsifikuar me mjeshtëri e pikturës iu dërgua një politikani, duke e bërë situatën akomë më misterioze.

Kjo vepër arti ka një histori akoma më të ndërlikuar. Pak para zhdukjes së saj një studente e arteve kuptoi se ajo ishte pikturuar sipër një vepre tjetër që mendoj se kishte humubr më herët – portreti i një gruaje të re që nuk ishte parë që prej vitit 1912 – duke e bërë atë të vetmen pikturë mbi pikturë të Gustav Klimt që njihet në botën e artit.

Gustav Klimt njihet për pikturat e famshme “The Kiss”, “Danae” apo “Portrait of Adele Bloch-Bauer I”