Gjendet e mbytur në liqenin e Kukësit 35-vjeçarja

Një 35-vjeçare është gjetur e pajetë në liqenin e Fierzës mëngjesin e kësaj të marte. Sipas informacioneve paraprake bëhet me dije se shtetasja ende e paidentifikuar është gjetur pa shenja jete në vendin e quajtur “Shtrazë”.

“Në orët e para të mëngjesit, në vendin e quajtur “Shtrazë”, në bregun e liqenit të Fierzës, është konstatuar e pajetë një shtetase ende e paidentifikuar, rreth 35 vjeçe”, njofton policia.

Gjatë këqyrjes së trupit të pajetë nuk janë konstatuar shenja dhune. Policia bën me dije se dyshohet se kjo shtetase është vetëmbytur.

Grupi hetimor ndodhet në vendngjarje dhe po punon për identifikimin e kësaj shtetaseje dhe për zbardhjen e rrethaneve të humbjes së jetës.