Gjendet e vdekur gruaja e një prej aleatëve të Putinit

Është gjetur e vdekur Anastasia Demina gruaja e një prej aleatëve të Vladimir Putinit.

42-vjeçarja, ishte e martuar me politikanin Valery Demin. Trupi i saj u gjet nga fëmijët e saj më 6 maj, të cilët fillimisht menduan se ajo ishte duke fjetur.

Shkaku i vdekjes së saj nuk dihet, por sipas Metro ka qenë Valery Demin ai që e ka vrarë.

Dyshimet kanë lindur për shkak se Anastasia raportoi në polici se burri i saj e sulmoi atë pas kthimit të tij në Moskë nga detyra në Ukrainë në muajin shkurt.

Demin njoftoi vdekjen e saj në platformën e mediave sociale ruse VK dhe shkroi: “Po e shkruaj këtë postim me lot në sy dhe pikëllim. Më 6 maj ndërroi jetë gruaja ime Nastena. Unë me të vërtetë nuk mund të shpreh me fjalë gjithçka që ndjej”.

LEXONI GJITHASHTU:

• Kremlini: Rusia e gatshme të përballet me Perëndimin në fushën e betejës
• “Gabim i presidentes”, Taravari: Dokumenti që ka nënshkruar Silianovska shkruan RMV