Gjendet e vdekur në hotel 34-vjeçarja shqiptare, ishte me të dashurin. Nisin hetimet

Një ngjarje e rëndë është raportuar në Policinë e Graçanicës, ku një 34-vjeçare është gjetur e vdekur në Prishtinë.

Zëdhënësja e Policisë së Kosovës, Florie Ahmeti, ka thënë se ngjarja është duke u hetuar nga efektivët.

“Sot në stacionin policor të Graqanicës është iniciuar një rast hetim mbi vdekjen, ku viktimë është një femër 34 vjeç, vdekjen e së cilës e ka konstatuar ekipi mjekësor në vendngjarje”, ka thënë Ahmeti.

Më tej Ahmeti është shprehur se aktualisht policia në koordinim me Prokurorinë ka nisur dhe po ndërmerr të gjitha veprimet e duhura hetimore që do të ndihmonin hetimin dhe sqarimin e rrethanave të ngjarjes.

“Ndërkohë trupi i pajetë i viktimës është dërguar për autopsi”, ka përfunduar ajo.

Sipas burimeve nga mediat e Kosovës, e reja nga Gjakova është gjetur e pajetë në një hotel në Prishtinë, aty po qëndronte me të dashurin e saj.

Siç raportohet ngjarja ka ndodhur në orët e para të mëngjesit, në fshatin Suhadoll, magjistralja Prishtinë- Lipjan.

Po ashtu është bërë publik edhe identiteti i saj, ku raportohet se bëhet fjalë për shtetasen Artila Kamerin.

Mësohet se 34 vjeçarja ka lënë pas një vajzë. Nga ana tjetër, i dashuri i saj, raportohet se në Polici ka deklaruar se gruaja nga Gjakova u hodh nga dritarja e hotelit, pas një grindjeje me çiftit.

Viktima mësohet se është vajza e një familje të njohur afariste në qytetin e Gjakovës.

Media në Kosovë kanë provuar të marrë konfirmim zyrtar nga Policia e Kosovës, por këtë të fundit ende nuk janë përgjigjur.

LEXONI GJITHASHTU:

• Kosova hap korridoret ajrore me Shqipërinë
• Kritika qeverisë së Kosovës: 2023 ishte vit i dështimeve dhe ngjarjeve të këqija