Gjendet i vdekur në banesë një person në Tiranë, dyshimet e para të policisë

Një 79-vjeçar është gjetur pa shenja jete paraditen e kësaj të mërkure në Tiranë. Policia bën me dije se shtatsi N.A., 79-vjeç u gjet i pajetë në banesën e tij në rrugën “Tish Daija” në kryeqytet.

Nga veprimet e para hetimore dyshohet se ky shtetas është vetëvrarë duke lidhur duart me kabllo elektrike.

Grupi hetimor ndodhet në vendngjarje dhe po punon për zbardhjen e plotë të rrethanave të vdekjes së të moshuarit.

“Rreth orës 11:05, në rrugën “Tish Daija”, është gjetur pa shenja jete, në banesën e tij, shtetasi N. A., 79 vjeç, banues në Tiranë.  Grupi hetimor po punon për sqarimin e rrethanave të rastit”, thuhet mes të tjerash në njoftimin e policisë.

LEXONI GJITHASHTU:

• Iu gjetën armë dhe municion luftarak në banesë, arrestohet 21-vjeçari
• GJKKO zgjat afatet e paraburgimit për Ramazan Rrajën dhe 4 të arrestuar të tjerë
• I shpallur në kërkim për shpërdorim detyre, arrestohet ish-polici në Lezhë