Gjendet i vetëvarur në qeli amerikani që vrau partneren në Shkodër

Në 2 Maj të vitit 2025, amerikanja Sandra Saporito 54-vjeç u vra me thikë nga bashkëjetuesi i saj, Brendon Saporito 57-vjeç. Ndërsa ditën e sotme të 28 tetorit 2025, i paraburgosuri Brendon Ronald Saporito është gjetur i varur në dhomën e tij nga bashkëvuajtësit.

Nga njoftimi zyrtar, punonjësit e institucionit e kanë nxjerrë me puls dhe me shenja jete drejt urgjencës, ku stafi mjekësor i ka dhënë ndihmën e parë. Pavarësisht ndërhyrjes së menjëhershme nga Spitali i Koplikut dhe përpjekjeve të stafit mjekësor, i paraburgosuri nuk ka arritur të mbijetojë.

Brendon Ronald Saporito, i datëlindjes 22.04.1968, i biri i Joesph Binald Saporita dhe Marichea (Klein) Saporita, ndodhej në IEVP Shkodër për efekt të vendimit të Gjykatës Shkallës Parë Shkodër, e cila i kishte caktuar masën e sigurisë “Arrest në burg”, i dyshuar për veprën penale “Vrasje për shkak të marrëdhënieve familjare”. Ai ishte arrestuar më 02.05.2025 dhe ishte sjellë në institucion më 04.05.2025.

Në 2 maj, ditën e ngjarjes së rëndë çifti amerikan kishte marrë një banesë me qira në lagjen historike të Shkodrës, Gjuhadol. Brendon e qëlloi disa herë me thikë partneren në banesë duke i marrë jetën.

Ngjarja është raportuar menjëherë autoriteteve kompetente, dhe po kryhen të gjitha veprimet hetimore për sqarimin e plotë të rrethanave. Drejtoria e IEVP Shkodër po bashkëpunon ngushtë me Prokurorinë dhe Shërbimin e Kontrollit të Brendshëm në Burgje për dokumentimin e plotë të ngjarjes.

LEXONI GJITHASHTU:

• Vrasja në Berat, zbulohet shkaku! Autori dhe viktima sherr për kalin
• Shqipëria regjistron 3 vrasje brenda disa orësh