Gjendje e jashtëzakonshme në Kongo dhe Ugandë për shkak të Ebolës, 88 të vdekur, mbi 300 raste

Organizata Botërore e Shëndetësisë e shpalli epideminë e Ebolës në Republikën Demokratike të Kongos dhe Ugandë një emergjencë me rëndësi ndërkombëtare për shëndetin publik. Organizata njofton se epidemia nuk i plotëson kriteret për shpalljen e një emergjence pandemie, por se vendet që ndajnë një kufi tokësor me Republikën Demokratike të Kongos janë në rrezik të lartë për përhapje të mëtejshme të infeksionit.

Qendrat Afrikane për Kontrollin dhe Parandalimin e Sëmundjeve thanë se gjithsej 88 persona kanë vdekur nga ethet shumë ngjitëse, ndërsa ka të paktën 336 raste të dyshuara. Në gjysmën e shekullit të fundit, Ebola ka marrë më shumë se 15,000 jetë njerëzish.

“Në Gulape, epidemia preku vetëm një zonë shëndetësore, por këtë herë, për shkak të trafikut dhe lëvizjes së njerëzve, tre zona shëndetësore janë prekur tashmë. Nëse llogarisim të gjitha vdekjet, përfshirë ato që identifikuam më pas në komunitet, kemi arritur tashmë numrin prej 80 vdekjesh . Kjo tregon se sa të rëndësishme janë masat e mbikëqyrjes epidemiologjike që zbatojmë”, theksoi ai.

Si Republika Demokratike e Kongos ashtu edhe Organizata Botërore e Shëndetësisë paralajmërojnë se nuk ka vaksinë ose trajtim specifik për llojin e ri të virusit, i cili ka një shkallë shumë të lartë vdekshmërie prej rreth 50 për qind. Shumica e shpërthimeve të mëparshme në rajon u shkaktuan nga lloji i Zairit, për të cilin ekziston një vaksinë.

“Epidemia nuk do të dalë jashtë kontrollit vetëm sepse nuk ka vaksina apo ilaçe. Kjo nuk është epidemia e parë me të cilën po përballemi. Po ju them, e patëm që në vitin 2012. Në Ugandë, e patëm tashmë këtë lloj virusi dhe në total patëm 16 epidemi të Ebolës, kjo është e 17-ta”, thotë ai.

Organizata Botërore e Shëndetësisë po këshillon vendet që ndajnë një kufi me Republikën Demokratike të Kongos që të aktivizojnë mekanizmat kombëtarë të menaxhimit të fatkeqësive, si dhe të vendosin kontrolle në kufij dhe në rrugët kryesore të brendshme.