Kryeministri i Izraelit beson se po e fiton luftën në Lindjen e Mesme dhe po injoron thirrjet nga SHBA për të treguar përmbajtje, ka thënë ish-shefi i shtabit të përgjithshëm, gjenerali Richard Dannatt.
Sipas mediave të huaja, ai i tha Kay Burley se sulmet në Liban gjatë fundjavës, tregojnë se Benjamin Netanyahu mendon se mund të “vazhdojë” me konfliktin.
“Një pushtim tokësor po kërcënon gjithnjë e më shumë,” shtoi ai.
“Nëse izraelitët do ta bëjnë këtë do të varet nga gjykimi i tyre, nëse ata mendojnë se duhet ta bëjnë këtë ose nëse po arrijnë mjaftueshëm sukses”, tha më tej ai.
Ai tha se SHBA-ja i ka kërkuar Izraelit të tërhiqet, por nuk ka bërë mjaftueshëm për të ndaluar “në mënyrë efektive” zotin Netanyahu.
“Ajo është ende duke furnizuar armë dhe shumë gjëra që i duhen Izraelit,” tha Lord Dannatt.
“Nga njëra anë SHBA-të bëjnë thirrje për përmbajtje, por nga ana tjetër nuk po e ndalojnë efektivisht Netanyahun dhe ai beson se po e fiton këtë luftë”, përfundoi ai.
LEXONI GJITHASHTU:
- Netanyahu: Izraeli do t’i vazhdojë bisedimet për armëpushim në Liban
- Netanyahu thotë se Hezbollahut i janë shkaktuar goditje të paimagjinueshme
